أمي أمي أمي

امــــــــــــــــي..........
يااول حرف ناغه القصيدة........
اوشال روحي الدنية خضرة....
ابكل هداوة ....ابكل نداوة...
او طبع فوك اشفاف
مهدي سالفة عمري الجديدة....
امــــــــــــــي..........
ياعين المحنة..
اللمّت اعلة اسنيني غيمة امن الدمع
امــــــــــــــي..........
ياخيط السفار
البيه ظلت هايمة اخيوط الشمع
امـــــــــــــــي..........
ياصورة منامي.....
امـــــــــــــــي..........
ياهمسة عشك وضّت غرامي..
امــــــــــــــــي..........
ياصفنة بحر من تستريح
تشعل احروف الحجي ابموكد كلامي
امــــــــــــــــي..........
ياسكته اوحجي
امي ياضحكة اوبجي
امـــــــــــــــي..........
يوسادة ظهر كل السنين
اتطيح حتة انا انتجي
امـــــــــــــــي..........
ياسبحة صلاتي..
امي.........
ياجنة حياتي
امـــــــــــــي ...........
ياجف المودة..
البيه المّن كل شتاتي
اوذكرياتي
اوكلشي ماضي
اوكلشي اتي
امــــــــــــــي..........
يااروع صبر
بيه العمر ظل دوم دافي
امـــــــــــــي.......
ياحرفين روحي
ابغيرهن انسة الحجي او تكرهني اشافي
امـــــــــــــــي .........
ياصورة منامي
امي .....
ياهمسة عشك وضّت غرامي


الكلمات هي لشاعر عراقي
للدكتور فلاح الزيدي

مشكور مهند

اشكرك على هذه القصيدة لان كتبت عن شخص لا يمكن ان ينساه الانسان في حياته لانه له فضل عليه يبقى حتى طول حياته

يعطيك العافية

مشكور على القصيدة الجميلة